काठमाडौं- वाणिज्य आपूर्ति तथा उपभोक्ता हित संरक्षण विभागले काठमाडौंमा विलासी होटलहरूलाई कारबाही गरेको छ। 

विभागले गरेको बजार अनुगमनका क्रममा होटलमा मापदण्ड मिचेको पाइएकाले विभागले कारबाही जरिबाना गरेको हो। विभागले म्याद गुज्रिएका खाद्यन्न तथा पेय पदार्थ भेटिएको भन्दै जरिबाना तिराएको हो। 

विभागको अनुमगन टोलीले काठमाडौंको द्वारिकाज होटललाई ३ लाख रुपैयाँ जरिबाना तिराएको छ। होटलमा म्याद गुज्रिएका खाद्य सामग्री भेटिएको विभागले जानकारी दिएको छ। इडिबल कलर, कोकोनट क्रिमजस्ता वस्तु भेटिएको विभागले जानकारी दिएको छ। 

त्यस्तै अर्को विलासी होटल बसेरलाई पनि ३ लाख नै जरिबाना गरिएको छ। २२ सय रूपैयाँको म्याद गुज्रिएको ब्रेड र जुस पाइएपछि बसेरालाई सचेत गराउँदै जरिबाना गराएको हो। 

त्यस्तै विभागले लाजिम्पाटको हिमालयन होटललाई पनि जरिबाना तिराएको छ।