काठमाडौं- बाँसबारी छालाजुत्ता कम्पनीको जग्गा हिनामिना गरेको अभियोगमा पक्राउ परेका उद्योगी अरुणकुमार चौधरीसहित तीन नेपाल प्रहरीको केन्द्रीय अनुसन्धान ब्यूरोको हिरासतबाट थुनामुक्त भएका छन्। 

यसअघि काठमाडौं जिल्ला अदालतले दुईदिनभित्र अनुसन्धान नसकिए थुनामुक्त गर्न आदेश दिएको थियो। सोही आदेश अनुसार नै उनीहरू आज थुनाकुक्त भएको प्रहरीले जानकारी दिएको छ। 

प्रहरीको केन्द्रीय अनुसन्धान ब्युरो (सीआईबी)ले चौधरीसहित चौधरीसहित तत्कालीन बाँसबारी छाला जुत्ता कम्पनी लिमिटेडका अध्यक्ष अजितनारायण सिंह थापा र सञ्चालक समिति अध्यक्ष सञ्जय ठाकुरलाई गत बिहीबार काठमाडौंबाट पक्राउ गरेको थियो।

बिहीबार पक्राउ गरिएका उनीहरूलाई सुरुमा ४ दिनको म्याद दिइएको थियो। उक्त म्याद सकिएपछि प्रहरीले सोमबार उनलाई थप म्याद थपका लागि अदालतमा ल्याएको थियो।