.gif)
.gif)
काठमाडौं- प्रहरीले स्रोत नखुलेको ६९ लाख ५० हजार रुपैयाँसहित एक जनालाई पक्राउ गरेको छ। महानगरीय प्रहरी परिसर, काठमाडौं र महानगरीय प्रहरीवृत्त दरबारमार्गको टोलीले उक्त रकमसहित हिरोसी खनाललाई गए राति पक्राउ गरेको हो।
महानगरीय प्रहरी परिसर काठमाडौंका प्रवक्ता, प्रहरी उपरीक्षक दिनेशराज मैनालीका अनुसार काठमाडौं महानगरपालिका-१ दरबारमार्गस्थित विइङ ह्युमन कपडा पसलमा जाँचका क्रममा रकमसहित खनाललाई पक्राउ गरेको हो।
पक्राउ परेका खनालसँग प्रहरीले एक हजार दरका १ सय वटा भएको ४९ बण्डल, ५ सय दरको १ सय वटा भएको ४१ बण्डल र नीलो रङको झोला एक थान बरामद गरेको छ। पक्राउ परेका खनाललाई आवश्यक अनुसन्धान तथा कारबाहीका लागि सम्पत्ति शुद्धीकरण विभाग पुल्चोक पठाइएको प्रहरीले जनाएको छ।
