काठमाडौं- प्रधानमन्त्री पुष्पकमल दाहालले एनसेल सेयर खरिदबिक्रीको विषय एकदमै गम्भीर रहेकाले थप छानबिन गर्ने बताएका छन्। 

उनले पूर्वमहालेखा परीक्षक टंकमणि शर्माको संयोजकत्वमा गठित ५ सदस्सीय छानबिन समितिको प्रतिवेदन बुझ्दै समयमै प्रतिवेदन आएकोमा धन्यवाद दिँदै प्रतिवेदनकाे स्प्रिटअनुसार अगाडि बढ्ने बताएका हुन्।

प्रधानमन्त्री दाहालले गम्भीर अध्ययन र विश्लेषण गरेर सरकारलाई मद्धत गर्नेगरी प्रतिवेदन आएको विश्वास व्यक्त गरेका छन्। 

'एनसेलको सेयर खरिदबिक्रीको कुरा एकदमै गम्भीर छ। तपाइँहरूले त्यो गम्भीर्यता बुझेर प्रतिवेदन पेस गर्नुभएको भन्ने विश्वास छ। यस विषयमा धेरैले चासो राख्नुभएको छ,' उनले भने।

उनले प्रतिवेदनले सरकारलाई सही निर्णय गर्न मद्धत पुग्ने बताए।