काठमाडौं- आर्थिक वर्ष २०७७ को कात्तिक मसान्तसम्म जीवन बीमा कम्पनीहरूको चुक्ता पुँजी ३३ अर्ब ४४ करोड रुपैयाँ रहेकोमा चालु आवको कात्तिक मसान्तसम्म १७.९७ प्रतिशतले बढेर ३९ अर्ब ४४ करोड ९२ लाख रुपैयाँ पुगेको छ। 

त्यस्तै निर्जीवन कम्पनीहरूको चुक्ता पुँजी आव २०७७ कात्तिक मसान्तसम्म १८ अर्ब ३८ करोड १२ लाख रुपैयाँ रहेकामा चालु आवको कात्तिक मसान्तसम्म आइपुग्दा ७.९६ प्रतिशतले बढेर १९ अर्ब ८४ करोड ४१ लाख रुपैयाँ पुगेको छ। 

हालसम्म जीवन बीमालेखको संख्या ८९ लाख ३० हजार ८ पुगेको छ। यो चालु आवको कात्तिक मसान्तसम्मको संख्या हो। २०७७ कात्तिक मसान्तसम्ममा ७० लाख ३८ हजार २ सय वटा बीमालेख जारी भएको थियो। 

गत वर्षको सोही अवधिको तुलनामा यो वर्षको कात्तिक मसान्तसम्म बीमालेखको संख्या २६.८८ प्रतिशतले बढेको बीमा समितिले जनाएको छ।