काठमाडौं- सेवाग्राहीसँग दुई लाख ५० हजार घुस लिने नापी कार्यालय, ललितपुरका नापी सर्भेक्षक रामविर यादवसहित तीन जनालाई अख्तियार दुरुपयोग अनुसन्धान आयोगले नियन्त्रणमा लिएको छ।
जग्गा कित्ताकाट गरी जग्गाधनी पूर्जा बनाउने प्रयोजनार्थ सेवाग्राहीसँग घुस माग गरिरहेको सूचना एवं उजुरीका आधारमा टंगालबाट खटिएको अख्तियारको टोलीले सर्भेक्षक यादव, लेखापढी व्यवसायी दिनेश बन्जरा र विनोद अधिकारीलाई सेवाग्राहीबाट उक्त रकम घुस लिइसकेको अवस्थामा रकमसहित नियन्त्रणमा लिएको हो।
तीनै जनालाई ललितपुर नापी कार्यालय परिसरबाट मंगलबार नियन्त्रणमा लिइएको हो।
.jpg)
यसबारे थप अनुसन्धान भइरहेको अख्तियारले जनाएको छ।
