काठमाडौं- इच्छाराज तामाङ विरुद्ध काठमाडौं जिल्ला अदालतमा मुद्दा दायर भएको छ।
संगठित अपराध गरेको भन्दै तामाङ विरुद्ध सरकारी वकिलको कार्यालयले उनी विरुद्ध आज मुद्दा दायर गरेको हो। सिभिल सहकारीको नाममा सर्वसाधारणको रकम लिएर फिर्ता नगरेको, जनताको पैसाको दुरुपयोग गरेको जस्ताव विषयमा नेपाल प्रहरीको केन्द्रीय अुसन्धान ब्यूरोले उनीविरुद्ध छानवीन गरेको थियो।
प्रहरीको अनुसन्धानको आधारमा सरकारी वकिलको कार्यालयले तामाङसहित ४२ जना विरुद्ध मुद्दा दायर गरेको हो। तामाङ विसद्ध ५ अर्ब ५९ करोड रुपैयाँ बिगो दाबी गरिएको छ।
संगठित अपराध र ठगी मुद्धामा मुछिएका सिभिल ग्रुपमाका अध्यक्ष इच्छाराज तामाङविरुद्धको अनुसन्धान सकेर नेपाल प्रहरीको केन्द्रीय ब्यूरो (सीआईबी)ले पूरा गरेर सरकारी वकिललाई मंसिर १० गते प्रतिवेदन बुझाएको थियो।
प्रहरीले बुझाएको प्रतिवेदनमा ८ वर्ष कैद र बिगो बराबर ५ अर्ब ५९ करोड जरिवाना माग गर्नुपर्ने सुझाव दिइएको थियो। प्रहरीले करिब दुई महिना लामो अनुसन्धानपछि प्रतिवेदन बुझाएको थियो।
तामाङलाई गत असोज १८ गते प्रहरीले ठगी मुद्दामा पक्राउ गरेको थियो। एक हजार ४ सय ८७ जनाले ठगी गरेको भन्दै उजुरी दिएको आधारमा प्रहरीले प्रतिवेदन तयार गरेको थियो।
तामाङसहित अरु १२ जना पनि पक्राउ परेका थिए। २४ जना फराहर रहेको छन्।
