काठमाडौं- बिहीबार पनि सुनचाँदीको मूल्यमा गिरावट आएको छ। बुधबार तोलामा १२ सय रूपैयाँले घटेको सुनको मूल्य बिहीबार प्रतितोला सात सय रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार बिहीबारका लागि छापावाल सुनको मूल्य प्रतितोला एक लाख १७ हजार पाँच सय रूपैयाँ तोकिएको छ भने तेजाबी सुनको मूल्य प्रतितोला एक लाख १६ हजार ९ सय ५० रूपैयाँ कायम छ।
चाँदीको मूल्य आज तोलामा १० रूपैयाँले घटेको छ। बुधबार प्रतितोला १ हजार ४ सय रूपैयाँमा कारोबार भएको चाँदी बिहीबार प्रतितोला एक हजार ३ सय ९० रूपैयाँमा कारोबार भइरहेको छ।
