काठमाडौं- नेपाल आयल निगमले पेट्रोलियम पदार्थको मूल्य घटाएको छ। निगमले सोमबार रातिदेखि लागु हुनेगरी पेट्रोलियम पदार्थको मूल्य घटाएको हो।

निगम सञ्चालक समितिको निर्णयअनुसार पेट्रोल, डिजेल र मट्टितेलमा समान १/१ रुपैयाँ मूल्य घटाएको हो।

निगमको उक्त निर्णयसँगै अब पेट्रोलको मूल्य पहिलो वर्गका लागि प्रतिलिटर १६३.५० रुपैयाँ, दोश्रो वर्गका लागि प्रतिलिटर १६५ रुपैयाँ र तेश्रो वर्गका लागि प्रतिलिटर १६६ रुपैयाँ कायम भएको छ।

त्यस्तै डिजेल र मट्टितेलको मूल्य पहिलो वर्गका लागि प्रतिलिटर १५३.५० रुपैयाँ, दोश्रो वर्गकालागि प्रतिलिटर १५५ रुपैयाँ र तेश्रो वर्गकालागि प्रतिलिटर १५६ रुपैयाँ कायम भएको छ।

भारतीय आयल कर्पोरेसनबाट सोमबार प्राप्त नयाँ खरिद मूल्यअनुसार मूल्य समायोजन गरिएको निगमको भनाइ छ।

आईओसीले पेट्रोलको मूल्यमा प्रतिलिटर १.२६ रुपैयाँ तथा डिजेल र मट्टितेलको मूल्यमा प्रतिलिटर ०.८३ रुपैयाँले घटाएर नयाँ मूल्य सूची पठाएको थियो।

एलपी ग्यासको मूल्य भने यथावत राखिएको छ।