काठमाडौं- तीन वर्षसम्म आवसीय भवन निर्माण नगर्ने कम्पनीसँग राष्ट्र बैंकले ठेक्का सम्झौता रद्द गरेको छ।
राष्ट्र बैंकले बाँकेको नेपालगञ्जमा निर्देशकहरूका लागि आवासीय भवन निर्माण गर्ने योजनासहित निर्माण व्यवसायी केआर कन्सट्रक्सनसँग २०७७ चैत ३१ गते निर्माण सम्झौता गरेको थियो तर निर्माण व्यवसायीले समयमा नै भवन निर्माण गरेन।
समयमा काम नगरेपछि राष्ट्र बैंकको सम्पत्ति तथा सेवा व्यवस्थापन विभागले शुक्रबार सूचना जारी गर्दै खरिद सम्झौता अन्त्य गरिएको जनाएको छ।
.jpg)
ठेक्कदार कम्पनीलाई समयसीमाभित्र काम सम्पन्न गर्न पटक पटक मौखिक तथा लिखित रुपमा जानकारी गराउँदासमेत निर्माण कार्य गर्न अग्रसरता नदेखाएकाले ठेक्का सम्झौता रद्द गरिएको राष्ट्र बैंकले जनाएको छ।
निर्माण कम्पनीले विभिन्न बाहानामा निर्माण कार्यमा वेवास्ता गरी खरिद सम्झौता र सार्वजनिक खरिद ऐन, २०६३ बमोजिम निर्माण व्यवसायीसँग खरिद सम्झौता अन्त्य गरी कार्य सम्पादन जमानत जफत गरी वित्तीय फरफारकसम्बन्धी काम अगाडि बढाउने र निर्माण व्यवसायीलाई कालोसूचीमा राख्ने प्रकृया अगाडि बढाउने निर्णय गरेको छ।
