काठमाडौं- शिवम् सिमेन्ट्स लिमिटेडको आर्थिक वर्ष २०७९/०८० को वार्षिक साधारण सभाले सेयरधनीलाई १५ प्रतिशत लाभांश वितरण गर्ने प्रस्ताव पारित गरेको छ।
शिवम् सिमेन्ट्स लिमिटेडको आठौँ वार्षिक साधारण सभाबाट आर्थिक वर्ष २०७९/०८० सम्मको सञ्चित मुनाफाबाट सेयरधनीलाई १५ प्रतिशतका दरले लाभांश वितरण गर्ने प्रस्ताव पारित गरेको हो।
आर्थिक वर्ष २०७९/०८० सम्मको सञ्चित मुनाफाबाट (सेयर प्रिमियमवापतको रकम यथावत रुपमा कम्पनीमा नै सञ्चित राखी) अन्य सञ्चित रकमबाट सेयरधनीलाई चुक्ता पुँजी ४ अर्ब ४० करोडको १४.२५ प्रतिशतका दरले ६२ करोड ७० लाखबराबरको बोनस सेयर र ०.७५ प्रतिशतका दरले (कर प्रयोजनका लागि) ३ करोड ३० लाख नगद लाभांशसहित कुल १५ प्रतिशतका दरले लाभांश वितरण गर्ने प्रस्ताव पारित गरेको कम्पनीले एक विज्ञप्तीमार्फत जानकारी गराएको छ।
हाल कम्पनीको अधिकृत पुँजी ७ अर्ब र जारी तथा चुक्ता पुँजी र४ अर्ब ४० करोड रहेकोमा १४.२५ प्रतिशतका दरले बोनस सेयर वितरण गरेपश्चात कम्पनीको जारी तथा चुक्ता पुँजीमा वृद्धि भइ ५ अर्ब २ करोड ७० लाख कायम हुनेछ।
शिवम् सिमेन्ट्स लिमिटेडले शुक्रबार राष्ट्रिय सभागृहमा आठौँ वार्षिक साधारणसभा गरेको हो।
