काठमाडौं- मंसिरमा गएको दुई वर्षकै न्यून बिन्दुको मूल्यवृद्धि कायम भएको छ। 

नेपाल राष्ट्र बैंकको तथ्यांकअनुसार मंसिरमा  मुद्रास्फीिति ४.९५ प्रतिशतमा झरेको छ। गत वर्षको मंसिरको तुलनामा यो वर्षको मंसिरमा मूल्यवृद्धि ४.९५ प्रतिशतले बढेको छ। 

यसअघि आर्थिक वर्ष २०७८/७९ को असोजमा ४.२४ प्रतिशत मूल्यवृद्धि थियो। सोही वर्षको कात्तिकपछि उकालो लागेको मूल्यवृद्धि ८.६४ प्रतितशतसम्म पुगेको थियो। यो वर्षको मंसिरमा ५ प्रतिशतभन्दा तल झरेको छ। 

मूल्यवृद्धिको चापले गर्दा मौद्रिक व्यवस्था नै खलबिलिएको छ। पुँजी अभाव हुँदै जाँदा त्यसको असर मूल्यवृद्धिमा परेको थियो। 

गत महिनादेखि नै भारतको तुलनामा नेपालमा न्यून वृद्धि कायम भएको थियो। 

यो वर्ष सरकारले वार्षिक औसत मूल्यवृद्धि ६.५ प्रतिशतमा सीमित गर्ने लक्ष्य लिएको छ। पाँच महिनाको औसत भने ६.७१ प्रतिशत रहेको छ।