.jpg)
.gif)
.gif)
फिक्कल- इलामको माङसेबुङ गाउँपालिकामा दुई करोड १४ लाख रूपैयाँको लागतमा चारवटा सिँचाइ कुलो निर्माण गरिएको छ। माङसेबुङ गाउँपालिका-१ का चारवटा टोलमा सिँचाइका निम्ति कुलो निर्माण गरिएका हुन्।
गाउँपालिकामा सञ्चालित साना सिँचाइ कार्यक्रमअन्तर्गत पाटीगाउँ, गजुरमुखीधाम, दोभान र तोभाङ टोलमा कुलो निर्माण गरिएको वडाध्यक्ष भूपाल योङहाङले जानकारी दिए। कुलो निर्माण भएपछि एक सय ३७ किसान प्रत्यक्ष लाभान्वित भएका वडाध्यक्ष योङहाङले बताए।
.gif)
स्थानीय लम्फेवा खोलाबाट तीन वटा र फेवाखोलाबाट एउटा कुलो खनिएको हो। पाटीगाउँमा ४८ लाख, लम्फेवा खोलाबाट ४५ लाख लम्फेवा खोलाबाटै दोभान क्षेत्रमा ५३ र माङसेबुङ गाउँपालिका-१ र २ को सिमानामा पर्ने फेवा खोलाबाट तोभाङमा ६८ लाख रूपैयाँको लागतमा कुलो निर्माण गरिएको हो।
.gif)
.jpg)
कुलो खन्न लागि स्वीस सरकारको ३० प्रतिशत, संघीय सरकार, प्रदेश सरकार र माङसेबुङ गाउँपालिकाको २०-२० प्रतिशत र स्थानीय उपभोक्ताबाट १० प्रतिशत योगदान भएको थियो। रासस
