काठमाडौं- सडक बोर्ड नेपालले  सडक दस्तुरभन्दा धेरै निक्षेपको ब्याजबा६ धेरै आम्दानी गरेको छ। 

गत आर्थिक वर्षको प्रकाशित विवरण अनुसार सडक बोर्ड नेपालले ब्याजबाट ३० करोड ४४ लाख ६० हजार रुपैयाँ आम्दानी गरेको छ। विभिन्न बैंक तथा वित्तीय संस्थामा राखेको निक्षेपबाट बोर्डले यो आम्दानी गरेको हो। 

तर बोर्डले सडक दस्तुरबाट भने जम्मा ३४ लाख ४३ हजार रुपैयाँमात्र आम्दानी गरेको छ। सरकारबाट भने ६ अर्ब ७८ करोड अनुदान पाएको छ। 

सरकारबाट आएको अनुदान खर्च नहुँदा बैंकमा राखेको निक्षेपबाट बोर्डले धेरै आम्दानी गरेको हो। गत वर्षभने बोर्डले आम्दानीभन्दा धेरै खर्च गरेको छ। कूल आम्दानी ७ अर्ब  ९ करोड गरेकोमा खर्च भने ८ अर्ब २० करोड गरेको छ। 

सडक बोर्डले विभिन्न क्षेत्रमा रहेका सडकको मर्मत सम्भारको काम गर्छ। बोर्डले स्थानीय तह तथा प्रदेश मार्फत् काम गर्दै आएको छ।