काठमाडौं- सरकारले चालु आर्थिक वर्ष २०८०/०८१ का लागि उखुको न्यूनतम खरिद मूल्य तोकेको छ। आज बुधबार बसेको मन्त्रिपरिषद् बैठकले उखुको न्यूनतम समर्थन मूल्य तोकेको हो।
कृषकले उत्पादन गरेको उखु उद्योगले खरिद गर्दा न्यूनतम खरिद मूल्य प्रतिक्विन्टल ५ सय ६५ निर्धारण गरिएको हो। यो मूल्य गत आर्थिक वर्षको भन्दा प्रतिक्विन्टल २५ रुपैयाँले बढी हो। यसबाहेक किसानलाई सरकारले प्रतिक्विन्टल ७० रुपैयाँ थपिदिने छ।
गत आर्थिक वर्ष सरकारले उखुको न्यूनतम समर्थन मूल्य प्रतिक्विन्टल ५ सय ४० रुपैयाँ तोकेको थियो।
.jpg)
उखु किसानहरूले भने मूल्य प्रतिक्विन्टल ७ सय ५० रूपैयाँ कायम हुनुपर्ने आवाज उठाइरहेका थिए।
