काठमाडौं- वैदेशिक व्यापार सम्बन्धिका अनुमति लगायतका काम एकल विन्दु सेवा केन्द्रबाट हुने भएको छ।
भन्सार ऐनमा संसोधन गर्दै अन्तर्राष्ट्रिय व्यापार, भन्सार जाँचपासँग सम्बन्धित अनुमति, इजाजत तथा प्रमाणपत्रको काम सो केन्द्रबाट हुने व्यवस्था गरिसकेको छ।
यही व्यवस्थाअनुसार कार्यान्वयन हुँदा उद्योग विभागमा सञ्चालित यो सेवा केन्द्र डिजिटल माध्यमबाट काम गर्ने भएको छ। सेवाग्राहीले सबै आवश्यक कागजात डिजिटल माध्यमबाट नै बुझाउनसक्ने भएका छन्।
त्यस्तै भुक्तानीका कामहरु पनि डिजिटल माध्यमबाट गर्न सकिने भएको छ। यस्तो व्यवस्था अहिलेदेखि नै सुरु भएपनि फागुन ११ देखि भने पूर्ण डिजिटल हुने उद्योग विभागले जानकारी दिएको छ।
