धनुषा- जनकपुरधाममा तीन दिनसम्म मदिरा तथा माछामासु बिक्री वितरणमा रोक लगाइएको छ।
श्रीसीताराम विवाहपञ्चमी महोत्सवको मंसिर २८ गते राति १२ बजेदेखि पुस १ गते राति १२ बजेसम्म मदिरा तथा माछामासुको बिक्री वितरणमा रोक लगाइएको जिल्ला प्रशासन कार्यालय धनुषाले जारी गरेको सूचनामा उल्लेख छ।
सप्ताहव्यापी विवाहपञ्चमी महोत्सवलाई सुरक्षित, मर्यादित र सौहार्दपूर्ण वातावरणमा मनाउनका लागि जिल्ला सुरक्षा समितिको बैठकले यस्तो निर्णय गरेको प्रशासकीय अधिकृत विश्वविजय शर्माले जानकारी दिए।
.jpg)
यस अवधिमा जनकपुरधामको परिक्रमा क्षेत्रभित्र र परिक्रमा सडकको दायाँबायाँ मदिरा बिक्रीवितरण, सेवन तथा पशुपक्षी काट्न, माछा, मासु बिक्री वितरण, ओसारपसार गर्न निषेध गरिएको प्रमुख जिल्ला अधिकारी चक्रपानी पाण्डेले बताए। निर्देशनको पालना नगरे प्रचलित कानूनबमोजिम कारबाही हुने जिल्ला प्रशासन कार्यालय धनुषाले जनाएको छ। रासस
