काठमाडौं- डिशहोम फाइबरनेट कम्पनीले सानदार १२ महिने अफर सार्वजनिक गरेको छ।
यस अफरअन्तर्गत अब नयाँ ग्राहकले ५० एमबीपीएसको वार्षिक प्याकेज मात्र ६ हजार ६ सय ८५ रूपैयाँ (भ्याट बाहेक) मा जडान गर्न सक्नेछन्। साथै ग्राहकले वार्षिक प्याकेज जडान गर्दा फाइभ-जी (डुअल ब्यान्ड) राउटर पनि सित्तैमा पाउने कम्पनीले जनाएको छ। यसअघि यही ५० एमबीपीएसको वार्षिक प्याकेजको मूल्य ७ हजार ७ सय ९९ रूपैयाँ पर्थ्यो।
यो अफरअन्तर्गत नयाँ ग्राहकले ५० एमबीपीएसदेखि ३ सय एमबीपीएससम्मका प्याकेजहरु जडान गर्न सक्नेछन्।
जसमा ग्राहकहरुले ५० एमबीपीएसदेखि २ सय ५० एमबीपीएस सम्मको वार्षिक प्याकेज जडान गर्दा फाइभ-जी राउटर पाउनेछन् भने ३ सय एमबीपीएसको प्याकेज लिने ग्राहकले वाईफाई-६ राउटर पाउनेछन्।
यसअघि कम्पनीले जारी गरेको फेस्टिभ २४ महिने अफरलाई पनि निरन्तरता दिने जनाएको छ। ५० एमबीपीएसको २४ महिने अफरको मूल्य १० हजार ४ सय ९९ रूपैयाँ (भ्याट बाहेक) पर्ने कम्पनीले जनाएको छ।
