काठमाडौं- चालु आर्थिक वर्ष २०८०/०८१ को तीन महिनामा वैदेशिक रोजगारीका लागि नेपालबाट विश्वमा विभिन्न देश जान अन्तिम श्रम स्वीकृति लिनेको संख्या २ लाख ६ हजार १६ रहेको छ।
जसमा नयाँ कामको खोजीमा म्यानपावरमार्फत रोजगारीका लागि विदेश जानेको संख्या १ लाख ५ हजार ८ सय ८८ रहेको छ।
चालु आवको ४ महिनामा रोजगारीका लागि विदेश जानेको संख्या गत आर्थिक वर्ष २०७९/०८० को सोही अविधिको भन्दा कम हो। गत आवको साउनदेखि कात्तिकसम्ममा २ लाख ८० हजार ५ सय १८ जना युवा रोजगारीका लागि विदेश गएका थिए।
गत आबको भन्दा चालु आवको ४ महिनामा विदेश जानेको संख्या ७४ हजार ५ सय ०२ ले कम हो। विभागले सार्वजनिक गरेको तथ्यांकअनुसार वैदेशिक रोजगारीमा जानेको संख्या गत आवको तुलना चालु आवको ४ महिनामा २६.५५ प्रतिशतले कमी हो।
