काठमाडौं- डिश मिडिया नेटवर्क लिमिटेड (डिशहोम फाइबरनेट) ले टि२० विश्वकप फाइनल एसिया छनोटमा नेपाली टोलीलाई समर्थन गर्न नेपाल क्रिकेट संघ (क्यान) सँग आफ्नो साझेदारीको सम्झौता गरेको छ।
डिशहोम फाइबरनेटका कार्यकारी उपाध्यक्ष रमेश सापकोटाले चलिरहेको टि२० विश्वकप एसिया छनोटको ठूलो महत्त्व रहेको बताउँदै डिशहोम फाइबरनेटको सहयोगमा टोलीले आर्थिक अवरोधबिना आफ्नो प्रदर्शनमा ध्यान केन्द्रित गर्न सक्छन् कि भन्ने कम्पनीले आशा गरेको बताए।
'हामी नेपाली टोलीलाई समर्थन गर्न र नेपाली क्रिकेटको प्रवर्द्धन गर्न पाउँदा उत्साहित छौँ। हाम्रो प्रतिबद्धता क्यानलाई आवश्यक स्रोत र सहयोग उपलब्ध गराउनु हो', उनले भने।
