काठमाडौं- गत असारमा मेलम्ची खोलामा आएको बाढीका कारण सिन्धुपाल्चोकको हेलम्बु गाउँपालिकाको चनौटे-भिरखर्क जोड्ने बेलीबृज निर्माण नेपाली सेनाले गरिरहेको छ।

चनौटे-भिमखर्क जोड्ने ट्रस बृज (रातो पुल) बगाएकाले सेनाले उक्त स्थानमा पुल निर्माण गरिरहको छ। सेनाले कात्तिक ४ गतेबाट उक्त पुल निर्माण सुरु गरेको हो। 

बेलीबृज निर्माणका लागि सर्भे सकिएर डिजाइन र लागत तयार भइसकेको सेनाले वनाएको छ। बेलीबृज जडान गर्ने स्थानमा दुबैतर्फ पूर्वाधार बनाउने काम भइरहेको छ।

सेनाले गाउँपालिकासँगको सहकार्यमा ह्युम पाइप राखि अस्थायी ट्रयाक निर्माण गरि हाललाई आवागनमा सहज बनाएको छ। सो अस्थायी डाइभर्सनबाट दैनिक ५० भन्दा बढी मालबाहक तथा यात्रुबाहक गाडीहरु आवतजावत गरिरहेका छन्। 

सो बेलीबृज आगामी पुसमसान्तसम्ममा सञ्चालनमा ल्याइसक्ने नेपाली सेनाले जनाएको छ। सेनाले बृज निर्माणका क्रममा २५ जना स्थानीयलाई रोजगारी दिएको बताएको छ।