काठमाडौं- नागरिक एपमा राखिएको सवारी चालक अनुमतिपत्र देखाएरै सवारी साधन चलाउन पाइने भएको छ। 

सरकारले ट्राफिक नियम उल्लंघन नगरी सवारी चलाउँदा चेकजाँचको समयमा नागरिक एपमार्फत देखाएको सवारी लाइसेन्सलाई मान्यता दिने व्यवस्था देशव्यापी रुपमा कार्यान्वयनमा ल्याएको हो। 

यो व्यवस्थासँगै अनिवार्यरुपमा सवारीसम्बन्धी कागजात बोकेर हिँड्नुपर्ने झन्झट हट्ने भएको छ। 

यसअघि नै पनि यो व्यवस्था कार्यान्वयनमा ल्याउने सरकारको तयारी थियो। तर ट्राफिक प्रहरी महाशाखाले सवारी तथा यातायात व्यवस्था ऐन २०४९ ले भौतिकरुपमै कागजात साथमा राख्नुपर्ने र प्रहरी कानूनअनुसार मात्र काम गर्ने भएकाले एप्लिकेसनमा भएका कागजात अमान्य हुने भनेपछि भर्चुअल कागजतले मान्यता पाउन सकेको थिएन।

अब भने नागरिकले यो सुविधा पाउने भएका छन्।