काठमाडौं- नेपाली बजारमा सोमबार सुनचाँदीको मूल्य घटेको छ। आइतबारको तुलनामा सोमबार सुनको मूल्य तोलामा पाँच सय र चाँदीको मूल्य प्रतितोला पाँच रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार सोमबारका लागि छापावाल सुनको मूल्य प्रतितोला एक लाख १६ हजार ५ सय रूपैयाँ र तेजाबी सुनको मूल्य प्रतितोला एक लाख १५ हजार ९ सय ५० रूपैयाँ तोकिएको छ।
चाँदी आज प्रतितोला एक हजार चार सय १० रूपैयाँमा कारोबार भइरहेको छ।
