काठमाडौं- मनाङ एयरको हेलिकप्टर दुर्घटना भएको छ।
शनिबार बिहान सोलुखुम्बु जिल्लाको लोबुचेमा मनाङको हेलिकप्टर दुर्घटनाग्रस्त भएको हो। लुक्लाबाट उडेको हेलिकप्टर लोबुचेमा दुर्घटना भएको हो।
सोलुखुम्बुमा पर्यटक लिनका लागि गएको हुँदा हेलिकप्टरमा पाइलटमात्र सवार थिए।
पाइलट प्रकाशकुमार सेढाईं भने घाइते भएका छन्। उनलाई फिस्टेल एयरको हेलिकप्टरमा उपचारका लागि काठमाडौं ल्याइसकिएको मनाङ एयरका निर्देशक राजु न्यौपानेले जानकारी दिए।
