काठमाडौं- उदयपुर सिमेन्ट उद्योगको महाप्रबन्धक पदका लागि ७ जनाको आवेदन परेको छ। रिक्त महाप्रबन्धक पदमा खुल्ला प्रतिस्पर्धाबाट छनोटका लागि उद्योगले भदौ २३ मा सूचना प्रकाशन गरी आवदेन मागेको थियो।

सोही सूचनाका आधारमा ७ जनाले आवेदन दिएका हुन्। आवेदन दिनेमा सागर श्रेष्ठ, इन्जिनियर गोरखराज जोशी, कविन्द्र रेग्मी, संजय कुमार लाल, दिलबहादुर भुजेल, नविनराज दाहाल र सुरेशकुमार कार्की रहेका छन्।

अर्का एक जना आवेदक शालिग्राम कुमार श्रेष्ठको आवेदन भने रद्द भएको छ।

महाप्रबन्धक गोपी न्यौपानेले राजीनामा दिएसँगै उद्योगको महाप्रबन्धक पद खाली रहेको थियो।