काठमाडौं- नेपाल वायुसेवा निगमले केन्द्रीय कार्यालय रङरोकन गर्ने भएको छ। कार्यालय रङरोकनका लागि निगमले कम्पनी छनोट गरेको छ।
निगमले कार्यालय रङरोकनमा साढे १४ लाख रुपैयाँ खर्चन लागेको हो। रङरोकनका लागि ईश्वरी निर्माण सेवा छनोट गरेको छ।
कम्पनीले मूल्य अभिवृद्धि करसहित कार्यालय रङरोकनका लागि १४ लाख ४७ हजार ७ सय ११ रुपैयाँ भुक्तानी पाउने छ। निगमले कार्यालय रङरोकनका लागि साउन २२ गते टेन्डर गरेको थियो।
