काठमाडौं- नेपाली बजारमा अघिल्लो सातायता लगातार घटेको सुनको मूल्य बुधबार बढेको छ। गएको मंगलबारयता निरन्तर ओरालो लागेको सुनको मूल्य बुधबार प्रतितोला तीन सय रूपैयाँले बढेको हो।
बुधबार छापावाल सुनको मूल्य प्रतितोला एक लाख ६ हजार ९ सय रूपैयाँ कायम छ भने तेजाबी सुनको मूल्य प्रतितोला एक लाख ६ हजार ४ सय रूपैयाँ तोकिएको नेपाल सुनचाँदी व्यवसायी महासंघले जनाएको छ।
महासंघका अनुसार बुधबार चाँदीको मूल्य भने स्थिर छ। मंगलबार प्रतितोला १३ सय १० रूपैयाँ तोकिएको चाँदी बुधबार पनि सोही मूल्यमा कारोबार भइरहेको महासंघले जनाएको छ।
