मकवानपुर- गए राति परेको वर्षासँगै आएको पहिरोका कारण हेटौँडाबाट काठमाडौं जोड्ने दुई वटा सडकखण्ड आज बिहानैबाट यातायात अवरुद्ध भएका छन्।
पहिरोका कारण हेटौँडाबाट काठमाडौं जोड्ने कान्ति लोकपथ सडकखण्डअन्तर्गत ललितपुर जिल्लाको भट्टेडाँडास्थित पहिरो जाँदा आज बिहानैदेखि यातायात अवरुद्ध भएको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिइन्।
यसैगरी पहिरोका कारण कुलेखानी-सिस्नेरी सडकखण्डअन्तर्गत विभिन्न स्थानमा पहिरो जाँदा आज बिहानैदेखि यातायात अवरुद्ध भएको छ। ती दुवै सडकखण्डमा गएको पहिरो आज अपराह्नमा हटाइ यातायात सञ्चालनमा ल्याउने तयारी भइरहेको उनले जानकारी दिइन्। उक्त सडकखण्ड हुँदै चल्ने सवारीसाधन वैकल्पिक सडकबाट सञ्चालन गर्न प्रहरी नायब उपरीक्षक भण्डारीले आग्रह गरेकी छिन्। रासस
.jpg)
