.gif)
.gif)
काठमाडौं- नेपाली बजारमा मंगलबार सुनको मूल्य तोलामै १३ सय रूपैयाँले घटेको छ। सोमबार प्रतितोला एक सय रूपैयाँले घटेको सुनको मूल्य मंगलबार १३ सय रूपैयाँले घटेको हो।
मंगलबारका लागि छापावाल सुनको मूल्य प्रतितोला एक लाख ६ हजार ६ सय रूपैयाँ तोकिएको छ भने तेजाबी सुनको मूल्य प्रतितोला एक लाख ६ हजार एक सय रूपैयाँ कायम रहेको नेपाल सुनचाँदी व्यवसायी महासंघले जनाएको छ।
गएको मंगलबारयता सुनचाँदीको मूल्य निरन्तर घटिरहेको छ। मंगलबार चाँदी तोलामा ३० रूपैयाँले घटेर प्रतितोला एक हजार ३ सय १० रूपैयाँमा कारोबार भइरहेको छ। सोमबार चाँदी प्रतितोला २० रूपैयाँले घटेको थियो।
