काठमाडौं- नेपाली बजारमा सोमबार सुनचाँदीको मूल्यमा गिरावट आएको छ। आइतबार तोलामा ८ सय रूपैयाँले घटेको सुनको मूल्य सोमबार प्रतितोला एक सय रूपैयाँले घटेको हो।
सोमबारका लागि छापावाल सनुको मूल्य एक लाख ७ हजार ९ सय रूपैयाँ तोकिएको छ भने तेजाबी सुनको मूल्य प्रतितोला एक लाख ७ हजार चार सय रूपैयाँ तोकिएको नेपाल सुनचाँदी व्यवसायी महासंघले जनाएको छ।
महासंघका अनुसार सोमबार चाँदी तोलामा २० रूपैयाँले घटेर प्रतितोला १३ सय ४० रूपैयाँमा कारोबार भइरहेको छ।
गएको मंगलबारयता सुनचाँदीको मूल्य निरन्तर घटिरहेको छ।
