.gif)
.gif)
तनहुँ- भिमाद नगरपालिका-९ सखेपस्थित भानुमति साना किसान कृषि सहकारी संस्था लिमिटेडका प्रबन्धकलाई प्रहरीले पक्राउ गरेको छ। सोही वडा निवासी ५२ बर्षीय प्रबन्धक चुत्रबहादुर थापालाई प्रहरीले पक्राउ गरी अनुसन्धान थालेको हो।
उक्त सहकारी संस्थाको २ करोड ६९ लाख ७१ हजार ९ सय ६६ रुपैयाँ हिनामिना गरेको देखिएको जिल्ला प्रहरी कार्यालयका प्रहरी नायव उपरीक्षक मोहनबहादुर खाँणले जानकारी दिएका छन्।
उनले बिभिन्न मितिमा संस्थाको सेयर रकम, बचत रकम र १ सय ३० सदस्यको नाममा काल्पनिक ऋण लगानी गरेको देखाइ रकम हिनामिना गरेका थिए।
रकम हिनामिना गरेको जाहेरी परेपछि तनहुँ जिल्ला अदालतबाट सात दिनको म्याद थप गराई उनीमाथि अनुसन्धान भइरहेको प्रहरीले जनाएको छ।
