काठमाडौं- सोमबार स्थिर रहेको सुनचाँदीको मूल्य मंगलबार घटेको छ। मंगलबार सुनको मूल्य प्रतितोला चार सय रूपैयाँले घटेको छ भने चाँदीको मूल्य प्रतितोला ३० रूपैयाँले सस्तिएको नेपाल सुनचाँदी व्यवसायी महासंघले जनाएको छ।
महासंघका अनुसार मंगलबार छापावाल सुनको मूल्य प्रतितोला एक लाख ११ हजार ८ सय रूपैयाँ तोकिएको छ भने तेजाबी सुनको मूल्य प्रतितोला एक लाख ११ हजार दुई सय ५० रूपैयाँ कायम छ।
चाँदी आज प्रतितोला १४ सय रूपैयाँमा कारोबार भइरहेको छ।
