काठमाडौं- चालु आर्थिक वर्षको दुई महिनामा नेपालबाट  ४१ करोड रुपैयाँको सिमेन्ट निर्यात भएको छ। भन्सार विभागको तथ्यांक अनुसार यो वर्षको साउन र भदौमा ३ लाख ३८ हजार ४०८ टन निर्यात भएको छ। 

यो दुई महिनामा कूल ४१ करोड ८४ लाख ८६ हजार रुपैयाँ बराबरको सिमेन्ट निर्यात भएको हो। गत वर्षदेखि नेपालबाट सिमेन्ट निर्यात सुरू भएको थियो। 

निर्यातमा अनुदान दिने सूचीमा सिमेन्टलाई पनि समावेस गरेपछि पछिल्लो समय निर्यात हुन थालेको छ। जति धेरै निर्यात उति धेरै सहुलियत पाइने भएपछि उद्योगीहरूले निर्यातमा जोड दिन थालेका छन्। 

भारतमा व्यापारिक सञ्जाल भएका उद्योगिहरूले पछिल्लो समय बजारीकरणलाई तीव्रता दिएका छन्। उत्पादन लागत अझै घटाउन सकिएमा निर्यात अझै बढ्नसक्ने उद्योगीहरूले बताउँदै आएका छन्।