काठमाडौं- काठमाडौं तराई द्रुतमार्गको कामले अहिले गति लिएको छ।
नेपाली सेनाको प्रत्येक्ष व्यवस्थापनमा एसियाली राजमार्ग डिजाइन मापदण्ड १९९३ अनुसार निर्माण भइरहेको राष्ट्रिय गौरवको आयोजनाले विभिन्न समस्यापछि अहिले भने गति लिएको हो।
यसमा ललितपुर-काठमाण्डौं-मकवानपुर-बारा हुँदै निजगढलाई अन्तिम बिन्दुको रुपमा प्रस्ताव गरेर काम भइरहेको छ।
लामो समयसम्म डीपीआर उपलब्ध नहुनु र उपलब्ध भइसकेपछि पनि स्वीकृत हुन नसक्नु तथा अन्तर्राष्ट्रिय परामर्शदाताको छनौटमा हुन गएको ढिलाइ तथा कोभिडका कारण सोचेजस्तो प्रगति नभएको सेनाले जनाएको छ।
आयोजनाको सबै काम हेर्दा अहिले छैठौँ चरणमा काम चलिरहेको छ। हालसम्म आयोजनाको वार्षिक प्रगति भौतिकतर्फ ४२.८५ प्रतिशत र वित्तीयतर्फ ४२.८० प्रतिशत रहेको तथा समष्टिगत प्रगति भौतिकतर्फ १६.२१ प्रतिशत रहेको छ भने वित्तीयतर्फ ९.५२ प्रतिशत रहेको सेनाले जनाएको छ।
