शुक्रबार, कात्तिक २ गते २०८१    
images
images

४३ किसानको आशाको बारी सहेँलाको फाँट, गरे कागतीखेती

images
बिजनेस न्युज
बिजनेस न्युज
बिहीबार , असोज ४ २०८०
images
images
४३ किसानको आशाको बारी सहेँलाको फाँट, गरे कागतीखेती

२० लाख लगानीबाट सुरु भएको कागतीको व्यावसायिक खेतीमा एक करोड रुपैयाँ भइसकेको छ। तीन सय रोपनीभन्दा धेरै जमिनमा चार हजार हजार बिरुवा हुर्किरहेका छन्।

images
images

बागलुङ- तीन वर्षअघि लगाइएका कागतीका बिरुवा फल दिन थालेका छन्। चासो कृषक समूहका सदस्य र कर्मचारीलाई कागती टिप्न भ्याइनभ्याइ छ। बिरुवाको गोडमेल, सिँचाइ र मल दिनका लागि व्यस्त हुने किसान हिजोआज कागती टिप्न तथा बजार पुर्‍याउन व्यस्त छन्। दिन दुई गुना र रात चौगुना गर्दै हुर्किरहेका बिरुवाले फल दिन थालेपछि किसान खुसीले दङ्ग छन्। 

images
images
images

बागलुङ नगरपालिका-१२ अमलाचौरको सहेँला फाँटमा जग्गा रहेका बागलुङ-१४ अर्माहका ४३ किसानको आशाको बारी हो सहेँलाको फाँट। चासो कृषक समुहमा आबद्ध उनीहरुले आफ्नै मेहनतले फल्ने फलबाट समृद्धिको सपना देखेका छन्। 'पहिलो चरणणमा दुई सय किलो कागती टिपेर बिक्री गरियो, अनौठो अनुभव भइरहेको छ', समूहका अध्यक्ष केशवप्रसाद सुवेदीले भने, 'पहिलो उत्पादन स्थानीय बजारमै खोसाखोस भयो।' 

सयौँ मुरी धान हरेक वर्ष फल्ने खेतमा किसान कागतीबाट कृषिमा प्रगति खोजिरहेका छन्। २० लाख लगानीबाट सुरु भएको कागतीको व्यावसायिक खेतीमा एक करोड रुपैयाँ भइसकेको छ। तीन सय रोपनीभन्दा धेरै जमिनमा चार हजार हजार बिरुवा हुर्किरहेका छन्। तीन वर्ष समय खर्चेर लगाइएका बिरुवामध्ये एक तिहाइ बिरुवा फल दिन थालेको सुवेदीले बताए।

images

अनुदान र सहयोगका लागि सरकारी निकाय त्यहाँ पुगेका छन्। जिल्लाभित्र र बाहिरबाट किसान तथा प्राविधिकसमेत आउने गरेको समूहका अध्यक्ष सुवेदी बताउँछन्। सरकारी अनुदानमा आशा नराखी आफैले लगानी गरेर व्यावसायिक खेती थालेका किसानले पछिल्लो पटक सरकारी निकायको साथ पाउन थालेका छन्। एक लाख बिरुवाको ढुवानीका लागि अनुदान दिएको नगरपालिकाले तीन लाख खर्चेर फार्मसम्म पुग्ने सडक बनाइदिएको छ। 

images

हरेक वर्ष चार करोडको कागती उत्पादन गर्ने लक्ष्यका साथ व्यावसायिक खेती थालेका किसानले फल्न थालेको एक वर्षमा नै लगानी उठाएर मुनाफा कमाउने सुवेदीले बताए। समूहमा आबद्ध रहेका किसानलाई प्रतिरोपनी पाँच हजारका दरले समूहले वार्षिक भाडा दिने गरेको छ। कागती फार्म सञ्चालनमा रहेको जग्गाका धनीहरुलाई नै समूहको सदस्य बनाइएको छ। समूहमा सबै सदस्यले समान लगानी गरेको सुवेदीले बताए। रासस


प्रकाशित : बिहीबार , असोज ४ २०८००८:१०
प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2024 All right reserved to biznessnews.com  | Site By : SobizTrend