काठमाडौं- नाडा अटो शोमा कियाको नयाँ स्पोर्टेज राखिएको छ। नाडामै सार्वजनिक भएको यो एसयूभीले धेरैको ध्यान तानिरहेको छ।
कियाको नेपालका लागि आधिकारिक बिक्रेता कन्टिनेन्टल ट्रेडिङ प्रलिले सिम्पल डिजाइनमा सजाएको स्टलमा स्पोर्टेज, सेल्टोस र सोनेट प्रदर्शनीमा राखिएको छ। प्रिमियम एसयूभी रोज्नेहरूका लागि किया स्टोर्टेज उपयुक्त विकल्प हुन सक्छ। नाडामा सवारी लिन चाहनेले विशेष सुविधा पाउने कम्पनीले जनाएको छ।
त्यस्तै कियाको मिडसापज एसयूभी सेल्टोमा पनि उपभोक्ताको आकर्षण रहेको छ। नेपाली बजारमा सफल मानिएको सेल्टोस नाडामा आउने अवलोकनकर्ताका लागि पनि चासोमा परिरहेको छ।
पाचौँ पुस्ताको स्पोर्टेज पहिलेको तुलनामा निक्कै परिमार्जन सहित आएको छ। स्पोर्टज एसलाइन नाडामै सार्वजनिक भएको हो। यो एसयूभीको नेपाली बजार मूल्य १ करोड २५ लाख ९० हजार रूपैयाँ तोकिएको छ। पेट्रोल इन्जिन्जमा उपलब्ध छ।
यसका साथै सानो आकारको कम्प्याक्ट एसयूभी सोनेट पनि नाडामा राखिएको छ। प्रतिस्पर्धी सेगमेन्टमा किया सोनेटले आफ्नो उपस्थिति दरिलो बनाएको छ। नाडामा पनि सोनेटबारे धेरैले जिज्ञासा राखेका छन्।
कियाको सोरेन्टो पनि नेपाली बजारमा उपलब्ध छ। यो पेट्रोल हाइब्रिड एसयूभी हो। उत्कृष्ट माइलेज दिने यो प्रिमियम एसयूभी नाडामा नराखिएको भएपनि नेपाली उपभोक्ताको रोजाइमा रहेको छ। कियाको नयाँ स्पोर्टेजको बुकिङ पनि खुला गरिएको कम्पनीले जनाएको छ।
