काठमाडौं- नाडा अटो शो २०२३ मा नयाँ चिनियाँ ब्रान्ड सार्वजनिक भयो। विद्युतीय सवारीसहित नाडामा सार्वजनिक भएको सेसेर ब्रान्डका दुई सवारी आएका छन्। सेरेसको मिनी ईभी ई वान र एसयूभी सेगमेन्टको सेरेस थ्री नाडामा प्रदर्शनीका लागि राखिएका छन्।
मिनी ईभी ई वान र सेरेस थ्रीमा नाडा अटो शो अवलोकन गर्न आउनेहरु रोकिरै हेर्ने गरेका छन्। सेरेसलाई बर्न इन अमेरिका, प्रुभ इन युरोप र हाल नेपालमा भन्ने नाराका साथ एमएडब्लू वृद्धिले आधिकारिक रुपमा भित्र्याएको हो।
एमएडब्लू वृद्धिले सेरेसका स्टललाई आकर्षक बनाएको छ। मिनी ई वान र सेरेस थ्रीलाई प्लेसमेन्ट गरिएको स्टलमा अवलोकनकर्ता चासोका साथ सवारीबारे जिज्ञासा राखिरहेका छन्। नयाँ ब्रान्ड भइकन पनि सेरेसले नाडा अटो शोमा राम्रो प्रतिक्रिया पाइरहेको कम्पनीको भनाइ छ।
सेरेस ३ कम्फर्ट भेरियन्टको सुरुवाती मूल्य ४७ लाख ९९ हजार रुपैयाँ तोकिएको छ भने प्रिमियम भेरियन्टको मूल्य ४९ लाख ९९ हजार रुपैयाँ तय गरिएको कम्पनीको भनाइ छ। यो मूल्य सीमित अवधिका लागि मात्र हुने जनाएको छ। त्यसैगरी सेरेस ई वानको सुरुवाती मूल्य १३ लाख ९९ हजार रुपैयाँ छ। ई वान मिड भेरियन्टको मूल्य १६ लाख ४९ हजार र टप भेरियन्टको १७ लाख ९९ हजार रुपैयाँ तोकिएको छ।
सेरेस थ्री विद्युतीय सवारीसाधनमा मात्र नभइ लक्जरी, पावर र अनरोड र अफरोड दुवै सडकमा उपयुक्त हुने कम्पनीको भनाइ छ। ९९ किलोवाट पीक पावरको मोटर र ५२.७ किलोवाट आवर क्षमताको ब्याट्री प्याक सेरेस थ्रीमा छ। यसले एक पटकको फुल चार्जमा ४ सय ५ किलोमिटर रेन्ज दिने कम्पनीले जनाएको छ।
सेरेस मिनी ईभी ई वानमा १३.८ र १६.८ किलोवाट आवर लिथियम आयन ब्याट्रीमा उपलब्ध छ। गाडीमा उपलब्ध ब्याट्रीले एक पटकको फुल चार्जमा १ सय ८० किलोमिटरदेखि २ सय २० किलोमिटरसम्मको रेन्ज कम्पनीले जनाएको छ।
नाडा अटो शोको तेस्रो दिनसम्ममा सेरेसको ई वान र सेरेस थ्री उल्लेख्य संख्यामा बुकिङ भएको कम्पनीले जनाएको छ।
