काठमाडौं- नेपालका लागि फोर्स मोटर्सको आधिकारिक आयातकर्ता आयाम इन्टरकन्टिनेटल प्रालिले नाडा अटो शोमा फोर्स आरबानीया सार्वजनिक गरेको छ। भारतमा अत्याधिक माग रहेको फोर्सको अरबानीया सार्वजनिक तथा बुकिङ खुला गरिएको कम्पनीले जनाएको छ।
यस भ्यान नेपालमा आयातित माइक्रोबसहरु मध्येमा सबैभन्दा प्रिमियम सुविधायुक्त रहेको छ भने कार जस्तै आरामदायी र सुविधासम्पन्न रहेको कम्पनीले जनाएको छ। यो भ्यान विश्वप्रसिद्ध मर्सिडिज बेन्जको डिजाइनमा बनेको तथा सोही कम्पनीको इन्जिन, गेयरबक्स तथा एक्सल जडान गरिएको छ।
आकर्षक र सुविधासम्पन्न देखिएको माइक्रोबसमा १५ र १८ सिट क्षमतामा उपलब्ध छन्। यसका १५ सिटे भ्यानको मूल्य ८२ लाख ९९ हजार र १८ सिटे भ्यानको मूल्य ८६ लाख ९९ हजार रूपैयाँ तोकिएको कम्पनीले जनाएको छ।
यो मूल्य केही समयको लागिमात्र लागु हुने कम्पनीको भनाइ छ। साथै नाडा अटो शोमा बुकिङ गर्नेहरुको लागि आकर्षक छुट सुविधा उपलब्ध हुने कम्पनीले जनाएको छ।
फोर्स मोटर्सको नेपालका २२ वटा प्रमुख स्थानहरुमा डिलर तथा सर्भिस सेन्टरहरु रहेका छन्।
