काठमाडौं- बुधबार नेपाली बजारमा सुनचाँदीको मूल्य घटेको छ। बुधबार सुनको मूल्य प्रतितोला ८ सय रूपैयाँ र चाँदीको मूल्य प्रतितोला १५ रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार बुधबार छापावाल सुनको मूल्य प्रतितोला एक लाख ११ हजार दुई सय रूपैयाँ तोकिएको छ भने तेजाबी सुनको मूल्य प्रतितोला एक लाख १० हजार ६ सय ५० रूपैयाँ कायम छ।
चाँदी आज प्रतितोला १३ सय ९० रूपैयाँमा कारोबार भइरहेको महासंघले जनाएको छ।
