काठमाडौं- नेपाली बजारमा सुनचाँदीको मूल्य लगातार ओरालो लागेको छ। यो साता आइतबार र सोमबार बढेको सुनको मूल्य त्यसयता निरन्तर घटिरहेको छ। बिहीबार पनि सुन प्रतितोला चार सय रूपैयाँले घटेको छ।

बिहीबार छापावाल सुनको मूल्य प्रतितोला एक लाख १२ हजार दुई सय रूपैयाँ तोकिएको छ भने तेजाबी सुनको मूल्य प्रतितोला एक लाख ११ हजार चार सय ५० रूपैयाँ कायम गरिएको नेपाल सुनचाँदी व्यवसायी महासंघले जनाएको छ।

महासंघका अनुसार चाँदीको मूल्य आज तोलामा २० रूपैयाँले घटेर प्रतितोला १४ सय १० रूपैयाँ कायम छ।