काठमाडौं- सूर्या लाइफ इन्स्योरेन्स कम्पनीको नाफा ११.८८ प्रतिशतले बढेको छ। कम्पनीले सार्वजनिक गरेको चालु आर्थिक वर्ष २०७८/७९ को पहिलो त्रैमासिक विवरणमा ११ करोड ३५ लाख रुपैयाँ कमाएको छ।
गत वर्षको यहि अवधिमा कम्पनीले १० करोड १६ लाख रुपैयाँ कमाएको थियो। मुनाफा सुधार सँगै प्रतिसेयर आम्दानी पनि २० रुपैयाँ पुगेको छ। साथै बीमा शुल्क रकम पनि बढेको छ।
गत वर्षको पहिलो त्रैमासमा ८३ करोड ६८ लाख रुपैयाँ कमाएको कम्पनीले चालू आवको पहिलो त्रैमासमा बीमा शुल्क आम्दानी बढाएर १ अर्ब ११ करोड रुपैयाँ बनाएको छ।
