काठमाडौं- हिमालयन जनरल इन्स्योरेन्स कम्पनीले आर्थिक वर्ष २०७८/७९ को प्रथमले त्रैमास (साउनदेखि असोजसम्म) मा २ करोड ६९ लाख रुपैयाँ खुद नाफा गरेको छ।
यो नाफा गत आर्थिक वर्षको सोही अवधिको तुलनाममा केही बढी हो। गत आर्थिक वर्षको सोही अवधिमा कम्पनी २ करोड ६२ लाख रुपैयाँ खुद नाफा गरेको थियो।
१ अर्ब १० करोड रुपैयाँ चुक्ता पूँजी भएको कम्पनीको बीमा कोषमा ५७ करोड ५४ लाख रुपैयाँ रहेको छ। गत आर्थिक वर्षको सोही अवधिमा कम्पनीको बीमा कोषमा ५७ करोड ४१ लाख रुपैयाँ थियो।
साथै कम्पनीको जगेडा कोषमा ३८ करोड ५८ लाख रुपैयाँ सञ्चित रहेको छ।गत आर्थिक वर्षको सोही अवधिमा कम्पनीको जगेडा कोषमा २५ करोड २० लाख रुपैयाँ थियो।
कम्पनीको खुद बीमा शूल्क आर्जन रकम पनि ४ दशमलव ८९ प्रतिशतले बढेका छ। गत आर्थिक वर्षमा ८ करोड ३८ लाख रुपैयाँ खुद बीमा शुल्क आर्जन गरेको कम्पनीले यस आर्थिक वर्ष २०७८ /७९ को प्रथम त्रैमाससम्ममा ८ करोड ७९ लाख रुपैयाँ खुद बीमा शुल्क आर्जन गरेको छ।
कम्पनीको प्रति सेयर आम्दानी ९ रुपैयाँ ७९ पैसा रहेको छ। प्रति सेयर नेटवर्थ १८८ रुपैयाँ ६१ पैसा रहेको छ।
