 (2).gif)
काठमाडौं- चालू आर्थिक वर्षको पहिलो त्रैमाससम्म चिलिमे जलविद्युत् कम्पनी लिमिटेडले २० करोड ९८ लाख ६९ हजार खुद नाफा गरेको छ। गत वर्ष यस अवधिसम्म कम्पनीले २२ करोड ३२ लाख ७९ हजार रुपैयाा खुद नाफा गरेको थियो।
यस वर्ष विद्युत् विक्री आम्दानी ३ दशमलव ३७ प्रतिशत कम भएसँगै कम्पनीको खुद नाफामा कमि आएको हो। गत वर्ष विद्युत् विक्रीबाट ३६ करोड ३९ लाख ४७ हजार आम्दानी गरेको कम्पनीले यस वर्ष ३५ करोड १६ लाख ७८ हजार मात्र गरेको हो।
आम्दानीमा कमि आएसँगै कम्पनीको सञ्चालन नाफासमेत ५ दशमलव ४२ प्रतिशतले घटेको छ। १० प्रतिशत बोनस सेयरमार्फत चुक्तापूँजी वृद्धि गरी ६ अर्ब २८ करोड ७ लाख ३९ हजार कायम गरेको कम्पनीको जगेडा कोष रकम भने १० दशमलव ९० प्रतिशत घटेर ४ अर्ब ३ करोड १७ लाख ९० हजार कायम भएको छ।
कम्पनीको वार्षिक प्रतिशेयर आम्दानी १३ दशमलव ३७ रहेको छ ।
