काठमाडौं- उद्यमशीलता प्रबर्द्धनका लागि राष्ट्रिय उद्यमशीलता प्रेरणा सम्मेलन काठमाडौंमा आयोजना हुने भएको छ।
राष्ट्र निर्माण मञ्च नेपाल र “उद्यमशिल युवा सिर्जनशिल युवा” राष्ट्रिय अभियानको सयुक्त आयोजनामा साउन ३१ गते काठमाडौंमा उक्त सम्मेलनको आयोजना हुने भएको छ।
युवाहरूमा उद्यमशीलताको भावना विकास गर्न र त्यसका लागि आवश्यक उत्प्रेरणा, सूचना र ज्ञान दिने उद्देश्यले सम्मेलन आयोजना हुने भएको हो। सरकारको ध्यान पनि पुँजी निर्माण, रोजगारी सिर्जना र उद्यमशीलता विकासमै रहेको सन्दर्भमा सोही अनुसार सम्मेलनको आयोजना गरिएको आयोजकहरूले जानकारी दिएका छन्।
सरकारले स्टार्ट-अप नेपाल कार्यक्रम लगायत विभिन्न पहलहरू सुरु गरेको छ, जसले स्टार्ट-अपहरूलाई आर्थिक सहयोग र सहयोग प्रदान गरी उद्यमशीलता र नवप्रवर्तनलाई प्रवर्द्धन गर्ने लक्ष्य राखेको छ। यी प्रयासहरूको बावजुद, अझै धेरै युवाहरूलाई उद्यमशीलता लिन प्रोत्साहित गर्न चुनौतीहरू छन्। वित्त, बजार जानकारी, र व्यापार नेटवर्कमा पहुँच युवा उद्यमीहरूले सामना गर्ने केही प्रमुख अवरोध रहेका छन्।
उद्यमशील सोच भएका युवाहरूका लागि रहेका यस्ता अवरोध हटाउन सहयोग गर्ने उद्देश्यले सम्मेलनको आयोजना हुन लागेको हो।
नीति निर्माता, बजार निर्माता र उद्यमशीलहरू एक ठाउँमा हुने यो सम्मेलनमा प्रधानमन्त्री तथा मन्त्रिपरिषद्को कार्यालय (ओपीएमसीएम), अर्थ मन्त्रालय, श्रम, रोजगार तथा सामाजिक सुरक्षा मन्त्रालय, युवा तथा खेलकुद मन्त्रालयलगायत देशका नीति निर्माणमा महत्वपूर्ण भूमिका निर्वाह गर्ने व्यक्तित्वहरुको सहभागिता रहनेछ । , नेपाल राष्ट्र बैंक, बैंकरहरू, नेपाल उद्योग वाणिज्य महासंघका सदस्यहरू, उद्यमशीलता इकोसिस्टम साझेदारहरूका साथै निजी क्षेत्रका प्रतिनिधिहरू पनि सम्मेलनमा सहभागी हुनेछन्।
देभरिबाट युवाहरूको सहभागिता हुने सम्मेलनमा राष्ट्रिय, प्रदेश र स्थानीय तहका उद्यमशीलता इकोसिस्टम साझेदार र नीति निर्माताहरूसँग सम्मेलन आयोजना गरिनेछ। दोस्रो चरणमा स्थानीय उद्यमी सिर्जनामा केन्द्रित भएर युवाहरूले सीप विकास कार्यक्रमहरूबाट लाभ लिन सक्ने क्षेत्रहरू पहिचान गर्न आवश्यकता मूल्याङ्कन गरिने छ।
काठमाडौंमा राष्ट्रिय सम्मेलनपछि आयोजकहरूले प्रत्येक प्रदेश, जिल्लाहुँदै स्थानीय तहसम्म उद्यमशीलता सम्बन्धि कार्यक्रम गर्ने योजना बनाएको छ।
