काठमाडौं- नेपाल स्टक एक्चेन्समा सूचीकृत ४३ वटा हाइड्रो पावरमध्ये ९ कम्पनीको अघिल्लो आर्थिक वर्ष २०७७\०७८ को नाफाबाट लाभांश घोषणा गरेका छन्।
हालसम्म हाइड्रो पावरतर्फ ९ वटा कम्पनीहरुले मात्र लाभांश घोषणा गरेका छन्। जसमध्ये सर्वाधिक लाभांश घोषणा गर्नेमा न्यादी पावर कम्पनी रहेको छ। कम्पनीले अघिल्लो आर्थिक वर्षको नाफाबाट कूल २१ दशमलव ०५ प्रतिशत लाभांश घोषणा गरेको छ। जसमध्ये २० प्रतिशत सेयर लाभांश दिने भएको छ भने १ दशमलव शून्य ५ प्रतिशत नगद लाभांश दिने भएको हो।
दोस्रो बढी लाभांश घोषणा गर्ने कम्पनीमा अरुण काबेली रहेको छ। काबेलीले १७ प्रतिशत सेयर लाभांश दिने भएको छ भने शून्य दशमलव ८९ प्रतिशत नगद गरी कूल १७ दशमलव ८९ प्रतिशत लाभांश दिने भएको हो। कम्पनीले भदौ ११ गते बुक क्लोज गरेको थियो।
अपि पावर कम्पनीले अघिल्लो आर्थिक वर्षको मुनाफाबाट कूल ११ दशमलव शून्य ५ प्रतिशत लाभांश घोषणा गरेको छ। कम्पनीले १० दशमलव ५ प्रतिशत सेयर लाभांश शून्य दशमलव ५५ प्रतिशत लाभांश घोषणा गरेको छ। त्यसैगरी रिडि र रैराङ हाइड्रो पावर डेभलपमेन्ट कम्पनीले नगद लाभांश मात्र घोषणा गरेको छ। दुबै कम्पनीले १२ दशमलव ६ प्रतिशत नगद लाभांश घोषणा गरेको छन्।
सिनर्जी पावर डेभलपमेन्ट कम्पनीले अघिल्लो आर्थिक वर्षको मुनाफाबाट कूल १० दशमलव ५२ प्रतिशत लाभांश घोषणा गरेको छ। १० प्रतिशत सेयर लाभांश र शून्य दशमलव ५२ प्रतिशत नगद लाभांश घोषणा गरेको हो।
कम्पनीले कात्तिक ३ गते नै बुक क्लोज गरेको छ। त्यस्तै रुरु जलविद्युत परियोजनाले १० प्रतिशत नगद लाभांश, शून्य दशमलव ५२ प्रतिशत सेयर लाभांश गरी कूल १० दशमलव ५२ प्रतिशत लाभांश घोषणा गरेको हो।कम्पनीको असोज ७ गते बुक क्लोज भएको छ।
सानिमा माइ हाइड्रो पावर शून्य दशमलव ५२ प्रतिशत नगद लाभांश र १० प्रतिशत सेयर लाभांश दिने भएको छ। कम्पनीले यस चैत २८ गते नै बुक क्लोज गरेको छ।
अरुणभ्याली हाइड्रो पावर कम्पनीले शून्य दशमलव ५२ प्रतिशत नगद लाभांश र १० प्रतिशत सेयर लाभांश गरी कूल १० दशमलव ५२ प्रतिशत लाभांश दिने भएको हो। कम्पनीले असोज ११ गते बुक क्लोज घोषणा गरेको छ।
कुनकाे लाभांश कति ?
