काठमाडौं-  खाद्य व्यवस्था तथा व्यापार कम्पनी लिमिटेडले रैथाने बालीको बजारीकरणलाई अझै विस्तार गर्ने भएको छ।

हालसम्म स्थानीय तहसँगको साझेदारीमा रैथाने बालीको उत्पादन खरिद गर्दै आएकोमा अबदेखि भने उत्पादक तथा किसान समूहलाई सूचीकरण हुनका लागि आव्हान गरेको छ। 

चालु वर्षको बजेटमा रहेको कार्यक्रम अनुसार रैथाने बालीको बजारीकरण विस्तार गर्न भन्दै कम्पनीले स्थानीयस्तरमा उत्पादन भइरहेका विभिन्न रैथाने उत्पादन बिक्री गर्न इच्छुक किसानलाई आव्हान गरेको हो। 

सिमी, कागुनो, चिनोको चामल, उँवा, फापर, मार्सी चामल, कोदो र आलुजस्ता उत्पादनलाई बजारीकरणको जिम्मा कम्पनी आफैले लिने छ। 

सरकारी स्वामित्वको यो कम्पनीले किसानको उत्पादन खरिद गरेर बिक्री गर्दै आएको छ।