काठमाडौं- नेपाली बजारमा सोमबार सुनको मूल्यमा सामान्य गिरावट आएको छ भने चाँदीको मूल्य स्थिर छ। आइतबार तोलामा तीन सय रूपैयाँले बढेको सुनको मूल्य सोमबार प्रतितोला एक सय रूपैयाँले घटेको हो।
सोमबार छापावाल सुनको मूल्य प्रतितोला एक लाख १२ हजार चार सय रूपैयाँ कायम छ भने तेजाबी सुनको मूल्य प्रतितोला एक लाख ११ हजार ८ सय ५० रूपैयाँ तोकिएको नेपाल सुनचाँदी व्यवसायी महासंघले जनाएको छ।
चाँदीको मूल्य भने गएको बिहीबारयता स्थिर छ। चाँदीको मूल्य आज प्रतितोला एक हजार चार सय २५ रूपैयाँ कायम छ।
