बिहीबार , साउन १० गते २०८१    
images
images
images

निर्माण व्यवसायीको लोभलाग्दो बाख्रापालन : पाँच करोड लगानी, ६ जनालाई रोजगारी

images
शनिबार, साउन २० २०८०
images
images
निर्माण व्यवसायीको लोभलाग्दो बाख्रापालन : पाँच करोड लगानी, ६ जनालाई रोजगारी
images

बैतडी- बैतडीको दशरथचन्द नगरपालिका-९, ग्वाल्लेकका निर्माण व्यवसायी सुरेश चन्दले बाख्रापालन सुरू गरेका छन्। उनले भारतबाट उन्नत जातका बाख्रा ल्याएर व्यवसाय सुरू गरेका हुन्।

images
images

ग्वाल्लेक निर्माण सेवा कम्पनीका सञ्चालकसमेत रहेका चन्दले थालेको बाख्रापालन सबैलाई आकर्षित गर्ने लोभलाग्दो किसिमको छ। व्यवसायका लागि पाँच करोड रूपैयाँ लगानी भइसकेको चन्दले बताए। उनका अनुसार फार्ममा हाल एक सय ५० उन्नत जातका बाख्रा छन्।

images

भारतको राजस्थानबाट ल्याइएका सिरोही, तोतापरी, अजमेरी, बोयर, गुज्री जातका बाख्रा फार्ममा रहेका चन्दले जानकारी दिए। सिरोही जातको ‘भीम’ नाम गरेको बोकासमेत फार्ममा रहेको उनले बताए। उक्त बोकाको तौल एक सय ८० किलो छ।

images

'पाँच/छ उन्नत जातका बाख्रा फार्ममा छन्', चन्दले भने, 'उन्नत जातका बाख्रा छिटो बढ्ने र फाइदा पनि राम्रो हुने भएकाले स्थानीय जातभन्दा उन्नत जात छनोट गरिएको हो।' उनले गत वर्ष ‘ग्वाल्लेक एग्रो फार्म प्रालि’स्थापना गरी स्थानीय खरी जातका बाख्राबाट व्यवसाय सुरू गरेका थिए।

images

'बाख्रा पाल्नका लागि चार तलाको पक्की घर निर्माण गरेर गत वर्षदेखि खरी जातका बाख्राबाट व्यवसाय सुरू गरेको थिएँ', चन्दले भने, 'अहिले सिरोही, तोतापरीलगायत पाँच/छ उन्नत जातका गरी एक सय ५० बाख्रा छन्।'

कम्पनी दर्ता गरेर बाख्रापालन सुरू गरेका चन्दले ६ जनालाई रोजगारीसमेत दिएका छन्। उनका अनुसार बाख्रा फार्ममा अहिले पशु प्राविधिकसहित छ जनाले रोजगारी पाएका छन्। उनले भने, 'यहाँ भएका बाख्राको बिहान नियमितरुपमा स्वास्थ्य जाँचका लागि पशु प्राविधिक राखेका छौँ। बाख्राको स्याहार, सरसफाइ तथा चरनका लागि अन्य पाँच जनालाई रोजगारी दिएका छौँ।'

बर्खायाममा चरनको समस्या हुने भएकाले फार्ममै मकैको साइलेज, गहुँको भुसा, स्थानीय घाँस र पिना खुवाउने गरिएको चन्दले बताए। पेसाले निर्माण व्यवसायी भए पनि कृषि क्षेत्रमा केही गर्ने उद्देश्यले गाउँमा बाख्रापालन थालेको उनको भनाइ थियो। 

'गाउँमा मलामी र विवाहका लागि युवा भेटिन छोडेका छन्। सबै युवा विदेश पलाएन भएका छन्। स्वदेशमै व्यवसाय गरेर पनि रोजगारी सिर्जना गर्न सकिन्छ भन्ने सन्देश दिनका लागि पनि बाख्रापालन थालेको हुँ', चन्दले भने। बाख्रापालनसँगै आगामी दिनमा कालिज, गाई, भैँसी र बंगुरपालन पनि गर्ने योजना रहेको उनले बताए। स्थानीयस्तरमा मासु र दूधमा आत्मनिर्भर बन्नुपर्नेमा उनले जोड दिए।

बुवाबाजेको आठसय रोपनी जमिन रहेको बताउँदै चन्दले उक्त खाली जमिनलाई संरक्षण गरी बाख्रालाई चरनका लागि उपयोग गरिरहेको बताए। 'नेपाल कृषि प्रधान देश भएकाले कृषिमै आत्मनिर्भर बन्ने उद्देश्यले बाख्रापालन थालेको हुँ,' उनले भने। रासस


प्रकाशित : शनिबार, साउन २० २०८००८:३७

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2024 All right reserved to biznessnews.com  | Site By : SobizTrend