काठमाडौं- मंगलबार बढेको सुनचाँदीको मूल्य बुधबार घटेको छ। बुधबार सुनको मूल्य प्रतितोला ६ सय रूपैयाँ र चाँदीको मूल्य प्रतितोला १५ रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार बुधबार छापावाल सुनको मूल्य प्रतितोला एक लाख १२ हजार चार सय रूपैयाँ तोकिएको छ भने तेजाबी सुनको मूल्य प्रतितोला एक लाख ११ हजार ८ सय ५० रूपैयाँ कायम रहेको छ।
चाँदी आज प्रतितोला एक हजार चार सय ६० रूपैयाँमा कारोबार भइरहेको छ।
