काठमाडौं- सोमबार नेपाली बजारमा सुनचाँदीको मूल्यमा गिरावट आएको छ। आइतबार तोलामा तीन सय रूपैयाँले वृद्धि भएको सुनको मूल्य सोमबार तीन सय रूपैयाँले घटेको हो।
सोमबार छापावाल सुनको मूल्य प्रतितोला एक लाख १२ हजार ६ सय रूपैयाँ कायम छ भने तेजाबी सुनको मूल्य प्रतितोला एक लाख १२ हजार ५० रूपैयाँ तोकिएको नेपाल सुनचाँदी व्यवसायी महासंघले जनाएको छ।
आज चाँदीको मूल्यमा पनि सामान्य गिरावट आएको छ। महासंघका अनुसार आइतबार प्रतितोला पाँच रूपैयाँले बढेको चाँदीको मूल्य सोमबार पाँच रूपैयाँले घटेर प्रतितोला एक हजार ४ सय ५० रूपैयाँ कायम छ।
